這篇文只屬發洩,各位睇完便算吧!
放心,這餐飯唔會有生命威脅。但點解要形容成「鴻門宴」呢?
這一頓飯原本是同事之間的「團年飯」。團年飯原意便是一家人(這指公司)坐埋一起開開心心咁食一餐飯。雖然在飯局裡充滿著笑聲,但大多都是譏笑聲和苦笑聲。食物質素還不俗,可惜未能盡興。
話說我返工的店鋪本應十二人,可惜我們幾乎沒有一天返齊,總有一兩個人缺席。店長因此在一個月前帶了一位他的心腹來店鋪(心腹本身返另一間分店),解決人手不足的問題。可惜那位心腹的口德的確欠佳,經常開口得罪人,簡稱「格衰」。故此同事們對他的評價只有兩種程度:不喜歡和厭惡。其實店長深知自己被舊同事排斥,為樹立自己的地位,首先打散舊同事的堆,要求不同堆的人一起工作;再對新人(即係我)加強監管和訓斥,令人畏懼於他;現在甚至臨時調舊同事到另一分店工作,再放自己的心腹。同事們本來只不滿那位心腹,漫延至店長身上。
講返飯局,今日有十三位出席,本來那圈子只在飯局中不斷抽心腹的水,而心腹當然也毫不保留地向他們還擊。但到埋單的時候,店長話每人都要補回差額,因為餐飯的價錢高於公司給予的津貼。這令我們(包括我)嘩然,認為他「唔識做」,之後有一段的對話:
店長:唔好意思呀同事,每人要再夾多 $46.8 唔該。
同事A:夾錢!之前啲店長會包底嫁喎。(店長包底其實係老規距,因為地點食物全由佢決定)
同事B:老細,你咁好人,有會識做呢!
各同事:哈哈哈......MAY姐上身
店長:各處鄉村各處例呀嘛!
同事A:嘩!隔離分店個老細都有出禮物玩抽獎啦!
店長:你咪自己帶囉。哈哈哈!
同事B:老細你係咪應該振奮一下士氣,今日個個做野都好冇MOOD(因為心腹和班老同事因公因私而有口葛,同事B並無加入戰圈)
各同事:咪係囉!
店長:好,今餐我包底,但係五月的人事調動方面我唸要好好考慮一下(因為店鋪要裝修,各同事要各散東西在其他分店,至於好壞全由店長決定)
心腹:傻啦,老細啱啱生左仔,要留返D做奶粉錢嘅!(他拎出一張五十元紙)
同事A:啊,你咁好人,抵老細咁錫你。
我心唸你個__街,咁多人死唔見你死,刷鞋刷到咁,但被佢發現,佢問:你想做咩呀?
我:冇,多多心腹!
各同事:多謝晒!
同事B:原來你份人都好豪爽架喎!
心腹:傻啦!食完餐飯幫到你清到腸胃我請你又點話呀!
就咁,完了飯局後我便立即回家。古人話一笑泯恩仇,計我話一笑添恩仇,你話聚餐,倒不如話鴻門宴吧!我唸項莊舞劍也不及同事格劍好睇。一頓飯也充滿著盤算、不滿,究竟最終那個會在戰場上得益?老實講,這種飯局比我一次都嫌多,可惜人生仕途漫長,這種應酬飯局還有很多很多,遲早可能會習慣。至於我並不討厭那位心腹,也不討厭店長,但他們之後會點對付我,這是後話吧!
至於 G+ 每週精選我唸要延遲一星期吧!