一波幾折的購票過程

話說我係上一篇 blog 到話會搶 Kalafina live in Hong Kong 的門票，雖然最後都有緣買到，但過程是一波幾折的。

難得小弟會在假期早過十點起身，皆因演唱會在十點開賣，所以我由 9:50 開始一直坐係電腦面前不斷按 F5 鍵，為的就是等十點開賣那一刻。到了十點終於開賣，我意話不說即刻按了$980 個格，點知電腦派了最側俾我。個陣我竟然做了一件傻事，就係取消個 order，之後再按過睇下有冇靚位，點知個網就話所有票都賣晒 我當時真係覺得好後悔、好傍惶、好__ __。

我那時仲唸住睇下通利琴行有冇位（那時沒有意識到通利和城市電腦售票網是共用同一個系統），於是即刻出門去通利。我搭地鐵個陣仲懷著一絲希望睇下有冇唔要的飛，點知最後竟然「腐碌」買到，還抽到中間位，當時的感覺真係幸運之神由地獄拯救我到天堂。

正當我可以開心返屋企的時候，點知 ED 竟然話反應熱烈再加場，本來是一件好事，但日期居然比原本日期還要早一日，心唸：你玩野啊 （其實係飲唔到頭啖湯令到我不爽姐）但我都唔會再買前一場，主因我無錢，而且個 run down 兩場分別應該不大（最怕被人劇透）故此沒有這個必要。

其實火速售完都有幾個原因的：

1. Kalafina 係香港越來越受歡迎（這個才是主因） 歌曲亦比 FJ 的出名，小圓、黑執事已經夠做，多粉絲絕對正常！
2. 青年廣場個場真係好細和好少位，至少比九展細一半，雖然上次 FJ 啲飛賣唔晒，但得六百幾個位明顯唔夠，不過九展冇場冇辦法啦！
3. 一人最多可以買八張票，ED 你想鼓勵人炒黃牛？係炒都炒韓星啦，市場大、多貨、粉絲又好恰不過我都要多得班 Hold 飛黨我先可以買到飛。

點都好啦，最重要可以聽到三位歌姬的靚聲！不過仲有個幾月先開 show，真係有排等......都係完左個 sem 先......